ბუდუ ზივზივაძე არის ცნობილი ქართველი ფეხბურთელი, რომელიც თამაშობს თავდამსხმელის პოზიციაზე. წლების განმავლობაში მისი კარიერა საკმაოდ საინტერესოდ ვითარდებოდა, როგორც საქართველოს ეროვნულ ნაკრებში, ასევე სხვადასხვა კლუბებში.
ადრეული კარიერა:
ბუდუ ზივზივაძე დაიბადა 1994 წლის 10 მარტს, ქუთაისში. მან ფეხბურთის თამაში მშობლიურ ქალაქში დაიწყო, მაშინ ბუდუ 8 წლის იყო.
ბუდუმ პირველი პროფესიული ნაბიჯები გადადგა თბილისის „დინამოში.“ მისი დებიუტი დინამოს ძირითად გუნდში 2014 წლის 11 სექტემბერს მოხდა. პირველი გუნდ ვის წინააღმდეგაც ბუდუმ ითამათა იყო რუსთავის „მეტალურგი.“
მისი კარიერა ამ გუნდში დიდ ხანს არ გასტანა. 2015 წელს ბუდუ საფეხბურთო კლუბ „სამტრედიაში“ გადავიდა. ბუდუს დახმარებით „სამტრედია“ ეროვნული ლიგის ჩემპიონი გახდა. აღსანიშნავია, რომ სამტრედიულმა გუნდმა ჩემპიონატის მოგება პირველად 2016 წელს შეძლო.
როგორ ვითარდებოდა ბუდუს კარიერა?
ზივზივაძემ პროფესიონალური კარიერა საქართველოში დაიწყო, შემდეგ კი რამდენიმე კლუბში ითამაშა.
ბუდუს პირველი უცხოური კლუბი დანიის სუპერლიგის გუნდი „ესბიერგი“ იყო, სადაც მან მხოლოდ 13 თამაში ჩაატარა. მან კონტრაქტი 2017 წელს გააფორმა, მაგრამ უკვე მომდევნო წელს ის იჯარის წესით თბილისის „დინამოს“ შეურთდა.
ორი წლის შემდეგ, ბუდუმ დანიური გუნდი დატოვა ქუთაისის „ტორპედოში“ გადავიდა. იმავე წელს მან უნგრულ საფეხბურთო კლუბ „მეზოკოვეშდთან“ კონტრაქტს ხელი მოაწერა.
2020 წელს ბუდუმ საერთაშორისო დონეზე განვითარების მიზნით კონტრაქტი გააფორმა უნგრულ კლუბ „ფეჰერვართან“, რომელიც ერთ-ერთი წამყვანი გუნდია უნგრეთში.
ეს ტრანსფერი მნიშვნელოვანი აღმოჩნდა მისთვის, რადგან ბუდუმ კიდევ უფრო დახვეწა თავისი უნარები და მოიპოვა პოპულარობა ევროპაში. უნგრეთში მან არაერთი მნიშვნელოვანი გოლი გაიტანა და კლუბის ფანებისთვის საყვარელი მოთამაშე გახდა.
ამჟამად ბუდუ გერმანიაში თამაშობს, მეორე ბუნდესლიგის კლუბ „კარლსრუე.“ ბუდუ ამ გუნდის ძირითადის მოთამაშეა.
კარლსრუე (Karlsruher SC) და ბუდუ ზივზივაძე
კარლსრუე არის გერმანული საფეხბურთო კლუბი, რომელიც მდებარეობს ქალაქ კარლსრუეში, ბადენ-ვიურტემბერგის ფედერალურ მიწაზე. კლუბი დაარსდა 1894 წელს და მას დიდი ისტორია და ტრადიციები აქვს გერმანიის საფეხბურთო სამყაროში. კლუბის ფერები ლურჯი და თეთრია, ხოლო საშინაო მატჩებს ის “ვილდპარკშტადიონზე” ატარებს, რომელსაც ახლა ეწოდება BBBank Wildpark. ეს სტადიონი დაახლოებით 35,000 მაყურებელს იტევს.
კარლსრუერ SC-ის ისტორია დაკავშირებულია გერმანულ ფეხბურთთან ჯერ კიდევ 20-ე საუკუნის დასაწყისიდან. კლუბმა მონაწილეობა მიიღო როგორც დასავლეთ გერმანიის ჩემპიონატებში, ისე საერთაშორისო ტურნირებში. 1950-იან წლებში “კარლსრუე” განსაკუთრებით წარმატებული იყო და გაიმარჯვა DFB-Pokal-ის გათამაშებაში ორჯერ, 1955 და 1956 წლებში, რაც კლუბის ისტორიაში მნიშვნელოვანი მოვლენაა.
„კარლსრუე“ ძირითადად თამაშობს გერმანიის საფეხბურთო სისტემის მეორე ლიგაში, 2. Bundesliga-ში, თუმცა ამ გუნდს პირველ ბუნდესლიგაშიც ნათამაშები აქვს. მიუხედავად იმისა, რომ კლუბი ხშირად იცვლის დივიზიონებს, მისი მიზანი ყოველთვის ბუნდესლიგაში ადგილის შენარჩუნებაა.
გასაკვირი არ არის, რომ „კარლსრუეს“ მთავარი მიზანი კვლავ ბუნდესლიგაში დაბრუნებაა. კლუბი მონაწილეობს 2. Bundesliga-ში და კონკურენციას უწევს გერმანიის სხვადასხვა ძლიერ გუნდებს. კლუბი დიდ ყურადღებას აქცევს ახალგაზრდა მოთამაშეებს და ზრუნავს მათ კარიერულ წისვლაზე.
„კარლსრუეს“ ქალაქის თუ რეგიონის მასშტაბით ბევრი გულშემატკივარი ჰყავს. მისი გულშემატკივრები ერთგულები არიან კლუბის მიმართ, მიუხედავად იმისა, რომ „კარლსრუე“ ხშირად მონაწილეობს მეორე დივიზიონში და არ აქვს იმდენი რესურსი, რამდენიც გერმანიის უმსხვილეს კლუბებს. “ვილდპარკშტადიონი” მუდმივად ივსება გულშემატკივრებით, რომლებიც მხარს უჭერენ თავიანთ გუნდს.
ეროვნული ნაკრები და ბუდუ ზივზივაძე
ბუდუს შესახებ სტატიის ისე ვერ დავასრულებთ, მისი სანაკრებო კარიერა რომ არ ვახსენოთ.
ბუდუ ზივზივაძე საქართველოს ეროვნული ნაკრების მნიშვნელოვანი წევრია. მისი დებიუტი საქართველოს ნაკრებში 2017 წელს შედგა. თავდამსხმელის პოზიციაზე ბუდუმ არაერთ მნიშვნელოვან მატჩში მიიღო მონაწილეობა, სადაც მისი გოლები ხშირად გადამწყვეტი აღმოჩნდა. მისი ძლიერი ფიზიკური მონაცემები და ტაქტიკური უნარები მას საშუალებას აძლევს, რომ ორივე კლუბში და ნაკრებში მნიშვნელოვანი როლი შეასრულოს.
მიღწევები:
- გოლის გატანის უნარი: ზივზივაძე ცნობილია როგორც ფიზიკურად ძლიერი თავდამსხმელი, რომელსაც შეუძლია სხვადასხვა სიტუაციაში გოლის გატანა.
- საერთაშორისო გამოცდილება: ზივზივაძემ არა მხოლოდ ქართულ კლუბებში, არამედ საერთაშორისო კლუბებში თამაშით მოიპოვა მდიდარი გამოცდილება.
- გუნდური ჯილდოები: ზივზივაძის კარიერა ხასიათდება მისი გუნდური მიღწევებით, რაც მოიცავს ბუდუს წარმატებულ გამოსვლას, როგორც საკლუბო, ისე სანაკრებო დონეზე. მისი თამაში ხშირად განსაზღვრავდა საქართველოს ნაკრების შედეგებს.
ბუდუ ზივზივაძე თანამედროვე ქართველი ფეხბურთის ერთ-ერთი წამყვანი ფიგურაა. მისი კარიერა, როგორც კლუბებში, ასევე ეროვნულ ნაკრებში, გამოირჩევა მრავალრიცხოვანი წარმატებებით. ახალგაზრდა ასაკში დაწყებული კარიერა და გოლის გატანის უნარი, მას ერთ-ერთ ყველაზე ცნობილ ქართველ თავდამსხმელად აქცევს.